Dziaŭčynu, jakuju zatrymali pierad sudom nad Volhaj Załatar, nie vypuścili paśla 15-sutačnaha aryštu i znoŭ zatrymali
32-hadovuju Taćcianu Baturu zatrymali 15 listapada ŭ Minharsudzie, kali jana chacieła patrapić na pieršy sudovy praces pa spravie palitźniavolenaj Volhi Załatar, jak paviedamlajuć pravaabaroncy.
U Frunzienskim RUUSie na jaje skłali pratakoł pa art. 19.1 KaAP za «chulihanstva ŭ sudzie». Na sudzie Taćciana zajaviła pra źbićcio ŭ Frunzienskim RUUSie: jaje ŭdaryli hałavoj ab šafu, u balnicy joj dyjahnastavali ŭdar hałavy. Ale niahledziačy na heta, sudździa Maryja Jarochina aryštavała dziaŭčynu na 15 sutak.
Siońnia dniom Taćciana musiła vyjści na volu, ale svajaki i siabry tak jaje i nie dačakalisia. Paźniej stała viadoma, što dziaŭčynu z Akreścina zavieźli ŭ RUUS Frunzienskaha rajona na «prafiłaktyčnuju hutarku». Chacia paśla pieršaha suda nad Taćcianaj jaje advakat adpraviŭ va ŭsie RUUSy Minska zajavu pra toje, što Taćciana Batura admaŭlajecca ad praviadzieńnia prafiłaktyčnaj hutarki ź joj. Na jakoj padstavie znoŭ zatrymali dziaŭčynu — nieviadoma. U RUUSie Frunzienskaha rajona paviedamili tolki, što zaŭtra nad joj musić adbycca sud.
