Pucin zajaviŭ, što jaho prava pieraabiracca prezidentam stabilizuje situacyju
Prezident Rasii pakul nie vyrašyŭ, ci budzie jon pieraabiracca na novy prezidencki termin. Z takoj zajavaj jon vystupiŭ padčas forumu «VTB Kapitału» «Rasija kliča!», paviedamlaje RBK.
RBK
Kiraŭnik rasijskaj dziaržavy padkreśliŭ, što maje prava abiracca na novy termin.
«U adpaviednaści z Kanstytucyjaj, ja maju prava abiracca na novy termin. Budu ja heta rabić, ci nie, ja pakul sam dla siabie jašče nie vyrašyŭ. Ale sama najaŭnaść hetaha prava ŭžo stabilizuje ŭnutrypalityčnuju situacyju», — zajaviŭ Pucin, adznačyŭšy razam z tym, što nie ličyć «metaj Rasii» svajo pieravybrańnie.
Pucin paraŭnaŭ heta ź situacyjaj u ZŠA, kali prezident krainy Džo Bajden zajaviŭ pra namier abiracca na druhi termin. Pa słovach Pucina, hetaje rašeńnie amierykanskaha lidara «taksama stabilizuje situacyju» ŭ ZŠA. Vybary prezidenta ZŠA projduć u 2024 hodzie, na toj momant Bajdenu budzie 81 hod.
