U Anžaliki Borys u SIZA pahoršyŭsia stan zdaroŭja, joj patrabujecca miedycynskaja dapamoha
U staršyni niepryznanaha ŭładami Sajuza palakaŭ u Biełarusi Anžaliki Borys u žodzinskim SIZA paharšajecca stan zdaroŭja.
Sajuz palakaŭ u Biełarusi paviedamlaje, što ciapier Borys, vyhladaje vielmi niezdarovaj. Jana maje patrebu ŭ terminovym ahladzie doktara z vykarystańniem ultrahukavoha abstalavańnia. Taksama joj treba pravieści šerah inšych daśledavańniaŭ.
«Z apisańniaŭ źniešniaha vyhladu Anžaliki Borys vidać, što jana vyhladaje vielmi zmučanaj, u jaje ziamlista-žoŭty koler skury, što moža ŭkazvać na zachvorvańni piečani. Taksama ŭ jaje intensiŭna vypadajuć vałasy», — paviedamlajuć u SPB
Viadoma, što Borys pakutuje na ciažkaje zachvorvańnie straŭnikava-kišačnaha traktu i piečani.
Inesa Todryk-Pisalnik, blizkaja znajomaja Anžaliki, uspaminaje, što jašče da aryštu ŭ Borys byli častyja hałaŭnyja boli i boli ŭ žyvacie, a ŭ stresavych situacyjach u jaje vypadali vałasy.
Bieź miedycynskich abśledavańniaŭ nielha skazać, ci źjaŭlajecca jaje słaboje zdaroŭje vynikam abvastreńnia ŭžo najaŭnych zachvorvańniaŭ ci heta simptomy novaj chvaroby.
Anžalika Borys była zatrymanyja ŭ Hrodnie 23 sakavika. Jana prachodziać pa spravie ab «raspalvańni relihijnaj i nacyjanalnaj varožaści» (častka 3 artykuła 130 KK).
Pa hetaj spravie byli aryštavanyja aktyvistki Sajuza palakaŭ ź Lidy, Vaŭkavyska i Bresta Irena Biarnackaja, Maryja Ciškoŭskaja i Hanna Panišava. Praź niekalki miesiacaŭ utrymańnia ŭ SIZA ich vyzvalili i prymusili pakinuć Biełaruś. Andrej Pačobut, aryštavany 25 sakavika, praciahvaje znachodzicca za kratami.
