Łabarantku «Hrodna Azota» asudzili na paŭtara hoda chatniaj chimii za sčepku na adnoj z akcyj
Sud Kastryčnickaha rajona Hrodna razhledzieŭ kryminalnuju spravu ŭ dačynieńni da 35-hadovaj łabarantki chimičnaha analizu pradpryjemstva «Hrodna Azot» Volhi Biełazioravaj.
Pavodle abvinavačvańnia, žančyna «natchniajučy svaimi pavodzinami navakolnych z metaj padachvočvańnia ŭ ich pačućcia nieabchodnaści ŭdziełu ŭ pakazanym niesankcyjanavanym masavym mierapryjemstvie, parušała ŭmovy adpačynku i pobytu hramadzian, demanstravała svoj namier akazać vidavočnaje niepadparadkavańnie».
Sudździa Volha Biekušava pryznačyła pakarańnie na paŭhoda mienšaje za toje, što prasiła dziaržabvinavaŭca: 1,5 hoda «chatniaj chimii».
Žycharoŭ Hrodna praciahvajuć sudzić za ŭdzieł u «Maršy adzinstva», jaki adbyŭsia ŭ horadzie letaś 6 vieraśnia. Praz hod, 6 vieraśnia 2021-ha, u Hrodnie adbylisia dziasiatki zatrymańniaŭ udzielnikaŭ taho marša. I ciapier sudy adzin za adnym vynosiać abvinavaŭčyja prysudy ŭ dačynieńni da hetych ludziej, nahadvajuć pravaabaroncy.