Žurnalistku Irynu Słaŭnikavu pryznali palitviaźniem
Biełaruskija pravaabaroncy pryznali žurnalistku Irynu Słaŭnikavu, jakaja ŭžo miesiac znachodzicca za kratami, palitviaźniem. Jaje padazrajuć pa artykule 342 («Arhanizacyja i padrychtoŭka dziejańniaŭ, jakija hruba parušajuć hramadzki paradak, abo aktyŭny ŭdzieł u ich»).
«My ličym, što hetyja dziejańni ŭ dačynieńni da žurnalistki Iryny Słaŭnikavaj źjaŭlajucca praciaham metanakiravanaj palityki ŭładaŭ pa abmiežavańni raspaŭsiudžvańnia niepadcenzurnaj infarmacyi ŭ krainie i praciaham nastupu na svabodu słova. Paśla prezidenckich vybaraŭ 2020 hoda ŭ Biełarusi zabłakavanyja dziasiatki hramadska-palityčnych sajtaŭ i sajtaŭ miedyja, šerah drukavanych vydańniaŭ vymušanyja byli spynić vychad, žurnalisty i supracoŭniki miedyjasiektara Biełarusi znachodziacca ŭ źniavoleńni», — havorycca ŭ zajavie.
30 kastryčnika Irynu Słaŭnikavu zatrymali ŭ minskim aeraporcie, kali jana z mužam Alaksandram Łojkam viartalisia z adpačynku. 1 listapada sudździa Pieršamajskaha rajona Maksim Trusievič asudziŭ ich na 15 sutak aryštu nibyta za zachoŭvańnie ŭ Fejsbuku materyjałaŭ, jakija byli pryznanyja ekstremisckimi. Na volu jany nie vyjšli, a znoŭ atrymali pa 15 sutak.
26 listapada stała viadoma, što Iryna Słaŭnikava stała padazravanaj pavodle artykuła 342 Kryminalnaha kodeksa («Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich»).
Jaje muža Alaksandra Łojku asudzili na čarhovyja 15 sutak.