«Vakcyna źjaviłasia nie z naskoku!» Prafiesar Karpaŭ adkazaŭ antyvakcynataram
U čym važnaść vakcynacyi suprać COVID-19 i ci praŭdzivyja arhumienty praciŭnikaŭ pryščepak ad kavidu, raskazaŭ hałoŭny pazaštatny infiekcyjanist Minzdaroŭja, doktar miedycynskich navuk, prafiesar Ihar Karpaŭ.
Havoračy pra važnaść vakcynacyi, Karpaŭ padkreśliŭ, što jana ciapier źjaŭlajecca dastupnym i efiektyŭnym mietadam z punktu hledžańnia taho, kab nie padviarhacca ciažkaj formie hetaha zachvorvańnia.
— My vakcynujemsia, kab paźbiehnuć ciažkaj formy chvaroby i samaha niepryjemnaha zychodu ŭ hetaj situacyi, — adznačyŭ prafiesar Karpaŭ.
Vakoł vakcynacyi šmat roznych razmoŭ. Tak, niekatoryja skieptyki adznačajuć, što takija preparaty stvorany ŭ abmiežavany pieryjad času.
— Dobra, što technałahična akazalisia hatovyja da taho, kab na praciahu hoda stvaryć vakcynu. I jana, u tym liku viektarnaja, jakaja vykarystoŭvajecca ŭ nas, — ja maju na ŭvazie «Sputnik V», «Sputnik Łajt» — źjaviłasia nie z naskoku, nie prosta tak: voś uziali i zrabili, — adznačyŭ Karpaŭ.
Pavodle jaho słoŭ, isnavała takaja linija i bazis, dastatkova dobra adpracavany, jaki biare pačatak jašče ŭ saviecki čas.
