SAAZ sklikała ekstrannuju naradu z-za novaha varyjanta karanavirusa ź vialikaj kolkaściu mutacyj
Suśvietnaja arhanizacyja achovy zdaroŭja praviadzie 26 listapada pazapłanavaje pasiadžeńnie dla abmierkavańnia novaha patencyjna niebiaśpiečnaha štama karanavirusa.
Novy štam byŭ znojdzieny ŭ Batsvanie i PAR, dzie paćvierdžanyja niekalki dziasiatkaŭ vypadkaŭ. Jašče adzin vypadak byŭ paćvierdžany ŭ Hankonhu.
U SAAZ padkreślili, što štam vyklikaje zaniepakojenaść z-za vialikaj kolkaści mutacyj — u jaho spajkavym białku ich bolš za 30. Niekatoryja z mutacyj dajuć pavyšanuju ŭstojlivaść da antyciełaŭ, što moža źnizić efiektyŭnaść vakcyn, u toj čas jak inšyja mutacyi patencyjna robiać hety varyjant virusa bolš zaraznym.
Pakul štamu prysvojenaje abaznačeńnie B. 1.1.529. Paśla taho, jak ekśpierty SAAZ vyznačać stupień jaho patencyjnaj niebiaśpieki, jamu budzie prysvojenaja nazva pa adnoj ź litar hrečaskaha ałfavitu.
