Jeŭropa całkam zdymie abmiežavańni dla pryščeplenych padarožnikaŭ z 1 sakavika
Jeŭrapiejskaja kamisija ŭkaraniaje aptymizavany padychod u dačynieńni da zamiežnikaŭ, jakija prajšli vakcynacyju ad COVID. Miarkujecca, što z 1 sakavika 2022 hoda zdymuć abmiežavańni na ŭjezd dla hramadzian usich trecich krain. Pra heta paviedamlaje sajt Jeŭrakamisii.
Paviedamlajecca, što budzie raspracavany aptymizavany padychod, jaki całkam budzie zaležać ad statusu vandroŭnika, a nie ad krainy adpraŭleńnia. Heta aznačaje admienu tak zvanaha «čornaha śpisu» krain, hramadzian jakich dazvolać svabodna prapuskać na terytoryju ES.
Jeŭrakamisija adznačaje, što častyja abnaŭleńni śpisu abciažarvajuć płanavańnie padarožžaŭ, a novyja praviły zrobiać sistemu bolš zrazumiełaj.
«Z rostam maštabaŭ vakcynacyi va ŭsim śviecie taksama maje sens admianić abmiežavańni na pajezdki na asnovie statusu čałavieka, a nie krainy, ź jakoj jon pryjechaŭ. Heta źmianieńnie adbudziecca tolki z 1 sakavika 2022 hoda, kab dać krainam, jakija nie ŭvachodziać u ES, čas dla dalejšaha pavyšeńnia pakazčykaŭ vakcynacyi. Heta taksama budzie zaležać ad papiaredniaj acenki situacyi z vakcynacyjaj za miežami ES», — havorycca ŭ zajavie.
Taksama ŭdakładniajecca, što tyja, chto atrymaŭ vakcynu, uchvalenuju Suśvietnaj arhanizacyjaj achovy zdaroŭja, ale nie Jeŭrapiejskim ahienctvam pa lekavych srodkach, pavinny buduć pradjaŭlać admoŭnyja testy na COVID.
Raniej paviedamlałasia, što Jeŭrasajuz z 10 studzienia prapanuje źmianić praviły ŭjezdu, skaraciŭšy termin dziejańnia siertyfikata ab vakcynacyi ad COVID da 9 miesiacaŭ.
