HUBAZiK prapanuje pazbaŭlać hramadzianstva za złačynstvy ekstremisckaha charaktaru, a taksama kanfiskoŭvać majomaść
Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj (HUBAZiK) prapanuje pazbaŭlać hramadzianstva tych, chto byŭ pryznany vinavatym u ździajśnieńni niekatorych katehoryj złačynstvaŭ ekstremisckaha charaktaru.
mlyn.by
Pra heta mlyn.by paviedamiŭ načalnik upraŭleńnia Andrej Paršyn.
«Ciapier nami sumiesna z zacikaŭlenymi dziaržaŭnymi orhanami prapracoŭvajucca zakanadaŭčyja inicyjatyvy, nakiravanyja na harantavańnie nacyjanalnaj biaśpieki dziaržavy. U pryvatnaści, miarkujem, što hramadzianstva Respubliki Biełaruś moža być stračanaje asobami, pryznanymi vinavatymi ŭ ździajśnieńni asobnych katehoryj złačynstvaŭ ekstremisckaj skiravanaści abo pryčynieńni ciažkaj škody intaresam Respubliki Biełaruś, niezaležna ad sposabu nabyćcia hramadzianstva», — skazaŭ jon.
Pa jaho słovach, Upraŭleńnie taksama prapanuje prymianiać da asob, jakija ździejśnili złačynstvy ekstremisckaj skiravanaści, u jakaści dadatkovaha pakarańnia ahulnuju kanfiskacyju majomaści.
Taksama va ŭpraŭleńni vystupajuć ź inicyjatyvaj ustalavać biezumoŭnuju administracyjnuju adkaznaść za padpisku na internet-resursy, materyjały jakich byli pryznanyja ekstremisckimi.
