«Jon sam vyrašaje»: Piaskoŭ prakamientavaŭ słovy Łukašenki nakont dyjałohu ź Cichanoŭskaj
Alaksandr Łukašenka sam vyrašaje, z kim vieści dyjałoh, ale naŭrad ci jaho surazmoŭcaj budzie Śviatłana Cichanoŭskaja. Takoje mierkavańnie vykazaŭ pres-sakratar Pucina Dźmitryj Piaskoŭ, kamientujučy vykazvańni Łukašenki nakont mahčymaści dyjałohu ź Cichanoŭskaj, piša TASS.
BiełTA
Łukašenka raniej zajaviŭ u intervju Bi-bi-si, što jon prystupić da dyjałohu z apazicyjaj, u pryvatnaści, ź jaje lidarkaj Cichanoŭskaj, kali prezident Rasii Uładzimir Pucin z Alaksiejem Navalnym «siaduć za stoł pieramovaŭ». Łukašenka padkreśliŭ, što Navalny dla Pucina nie apazicyjanier, a zdradnik intaresam Rasii.
«Pa ŭsioj bačnaści, Alaksandr Ryhoravič vielmi malaŭniča takim čynam zajaviŭ ab kateharyčnaj niemahčymaści i adsutnaści naohuł jakoj-niebudź temy dla razmovy sa spadaryniaj Cichanoŭskaj. Mienavita tak, napeŭna, heta treba traktavać», - vykazaŭ mierkavańnie pradstaŭnik Kramla.
«U astatnim prezident Biełarusi sam vyrašaje, z kim jamu vieści dyjałoh i dla čaho», — padkreśliŭ Piaskoŭ.
Łukašenka raspavioŭ, ci pojdzie na dyjałoh ź Cichanoŭskaj, a Kaleśnikavu nazvaŭ zachodnim ahientam
