U suviazi ź likvidacyjaj TBM pierastaŭ vydavacca časopis «Vierasień»
U suviazi ź likvidacyjaj Tavarystva biełaruskaj movy imia Franciška Skaryny spyniŭ vychad i litaraturna-mastacki časopis «Vierasień», da zasnavańnia jakoha TBM mieła niepasrednaje dačynieńnie. Pra heta piša hałoŭny redaktar vydańnia Eduard Akulin.
Za 12 hadoŭ svajho isnavańnia na staronkach «Vieraśnia» nadrukavali svaje tvory kala 700 aŭtaraŭ — paetaŭ, prazaikaŭ, dramaturhaŭ, publicystaŭ i krytykaŭ, ź ich — bolš za 100 debiutantaŭ.
Pačynajučy ad 14 numara, akramia litarataraŭ, «Vierasień» staŭ tvorčaj placoŭkaj jašče j dla maładych mastakoŭ.
«A kolki cikavych i źmiastoŭnych hutarak z pačatkoŭcami i znanymi tvorcami źjaviłasia za hety čas na staronkach vydańnia?! Mnie chočacca vykazać ščyruju padziaku ŭsim, chto spryčyniŭsia da źjaŭleńnia časopisa: najpierš aŭtaram, jakija pavieryli ŭ vydańnie i davieryli jamu svaje tvory, a taksama vieraśnioŭcam-mastakam — Juryju Kruhlikavu, Darji Buniejevaj i Valeryi Prasłavaj, dziakujučy talentu jakich kožny numar «Vieraśnia» nabyŭ svajo niepaŭtornaje, asabistaje abličča. I, kaniečnie, tym dabradziejam, bieź jakich było b niemahčymym isnavańnie časopisa…» — napisaŭ Eduard Akulin.