ES pačaŭ techničnyja pieramovy ź Minskam ab viartańni mihrantaŭ dadomu
Źniešniepalityčnaja słužba ES užo prystupiła da techničnych pieramoŭ ź Biełaruśsiu, u tym liku z MZS krainy, ab repatryjacyi mihrantaŭ. Pra heta zajaviŭ u paniadziełak na bryfinhu ŭ Brusieli jaje pradstaŭnik Pieter Stana, piša TASS.
«My naładzili kantakty ź Biełaruśsiu, viarchoŭny pradstaŭnik užo dvojčy za apošnija dni pravodziŭ pieramovy z kiraŭnikom MZS Biełarusi, kansultacyi viaducca i na inšych uzroŭniach, — skazaŭ dypłamat. — Ich adzinaja meta — spryjać biaśpiečnaj repatryjacyi ludziej, jakija zatrymalisia ŭ hetaj krainie».
Jon dadaŭ, što Jeŭrakamisija pravodzić kantakty na ekśpiertnym uzroŭni «ź Biełaruśsiu i humanitarnymi arhanizacyjami AAN».
Nahadajem, situacyja na polska-biełaruskaj miažy rezka abvastryłasia 8 listapada, kali da miažy padyšli niekalki tysiač mihrantaŭ.
