Nacbank nie atestavaŭ treciaha top-mieniedžara «Alfa-banka»
18 listapada nie prajšoŭ atestacyju ŭ Nacbanku Alaksandr Babko. Kamisija pry NBRB pryznała, što jon «nie adpaviadaje kvalifikacyjnym patrabavańniam i patrabavańniam da dziełavoj reputacyi, što vystaŭlajucca dla pasadaŭ namieśnika kiraŭnika, člena kalehijalnaha vykanaŭčaha orhana banka i niabankaŭskaj kredytna-finansavaj arhanizacyi».
Krynicy ŭ finansavym siektary nazyvajuć atestacyju zručnym instrumientam kantrolu čynoŭnikaŭ nad mieniedžarami ŭ bankach. Pracedura dazvalaje apieratyŭna adsiejvać niedastatkova kvalifikavanych na dumku dziaržaparatu ludziej.
Heta nie pieršaja nieatestacyja siarod mieniedžaraŭ «Alfa-Banka». Uviesnu kamisiju pry NBRB nie prajšli Valeryj Smalak i Kanstancin Zastolski.
Chvala nieatestacyj u «Alfa-Banku» pačałasia paśla vizitu Łukašenki na «Motavieła», zaznačaje telehram-kanał «Ekanomika pa-biełarusku»
Tam jon skazaŭ nastupnaje: «Idei razarvać pradpryjemstva na kavałki, a zatym ich razdać pa bankach («Biełhazprambank», «Alfa-Bank» i inšyja) ja rasceńvaju jak antydziaržaŭnyja. Heta źniščeńnie pradpryjemstva».
Praź miesiac Nacbank arhanizavaŭ pazapłanavuju pravierku «Alfa-Banka», jakaja vyjaviła parušeńni ŭ dziejnaści hetaha banka z rasijskim kapitałam. Nieŭzabavie za hetym adbylisia kadravyja źmieny ŭ «Alfa-Banku».
