Viarchoŭny sud likvidavaŭ ruch «Za svabodu»
19 listapada Viarchoŭny sud pa prapanovie Ministerstva justycyi pryniaŭ rašeńnie ab pazbaŭleńni rehistracyi ruchu «Za svabodu».
Juryj Hubarevič
Pra heta paviedamiŭ u svaim fejsbuku staršynia arhanizacyi Juryj Hubarevič
Papiaredniaje pasiadžeńnie prajšło jašče 18 kastryčnika. 14 lipienia ŭ centralnym ofisie arhanizacyi ŭ Minsku prajšoŭ pieratrus, paśla čaho pamiaškańnie apiačatali.
«Farmalnaje pazbaŭleńnie lehalnaha statusa arhanizacyi nie zdolnaje zabrać u aktyvistaŭ ruchu pačućcio viery ŭ słušnaść abranaha šlachu, salidarnaść i ŭzajemapadtrymku siabroŭ Rucha. Hetak ža nie syjdzie ŭ niabyt usio toje stanoŭčaje, što było zroblena za 15-ci hadovuju historyju dziejnaści arhanizacyi» — napisaŭ Hubarevič.
Ruch «Za svabodu» byŭ zasnavany ŭ 2006-m Alaksandram Milinkievičam i takim čynam praisnavaŭ 15 hadoŭ.
