U zamožnych krainach mianiajuć razumieńnie taho, kaho ličyć poŭnaściu vakcynavanym. I heta nie padabajecca SAAZ
Źnižeńnie imunitetu ad pryščepki i rost zachvorvańniaŭ, vyklikanych štamam Delta, padšturchnuli mnohija zamožnyja krainy da taho, kab pierahledzieć paniatak «poŭnaj vakcynacyi» ad karanavirusa. Ciapier poŭnaściu vakcynavanym budzie ličycca toj, chto zrabiŭ 3 (a nie 2, jak raniej) pryščepki ad Covid-19, piša CNN.
Fota: pixabay
Premjer Brytanii Borys Džonsan zajaviŭ, što treciaja pryščepka nieabchodnaja dla taho, kab nie ŭvodzić znoŭ abmiežavańni ŭ suviazi z pandemijaj. Inšyja jeŭrapiejskija dziaržavy iduć u tym ža kirunku.
Da 15 śniežnia ŭsie, kamu bolš 65 hod, vymušanyja buduć zrabić treciuju, busternuju, pryščepku, kab abnavić svoj pašpart vakcynacyi ŭ Francyi, zajaviŭ na tym tydni Makron.
U Aŭstryi status poŭnaściu vakcynavanaha prapadaje praz 9 miesiacaŭ paśla apošniaj pryščepki.
U Izraili, kab atrymać zialony propusk (dla naviedvańnia spartovych zalaŭ, restaranaŭ i inšych hramadskich placovak), užo patrebnaja treciaja busternaja pryščepka.
Taki padychod nie padabajecca Suśvietnaj arhanizacyi zdaroŭja. Situacyja skandalnaja, ličyć staršynia SAAZa: ludzi štodnia atrymlivajuć u šeść razoŭ bolš busternych pryščepak u zamožnych krainach, čym pieršych doz vakcyny ŭ biednych krainach.
Da taho ž, nierazumna spadziavacca na vakcynacyju ŭ pandemiju, ličyć David Nabara, śpiecyjalny pasłańnik SAAZ pa Covid-19. Kali virus jašče da kanca nie vyvučany, vakcynacyja jak hałoŭnaja zbroja ŭ zmahańni z karanavirusam moža pryvieści da źjaŭleńnia novych varyjacyj virusa.
«Što varta rabić, dyk heta kambinavać stratehii — nasić maski i rabić inšyja zachady, kab ludzi nie zaražalisia patahienam», — kaža Nabara.
