Pucin: Pakul NATA nie pašyryłasia na ŭschod, my byli amal sajuźnikami
Da nabližeńnia vajennaj infrastruktury błoka NATA da miežaŭ Rasii adnosiny Maskvy z krainami Zachadu, uklučajučy ZŠA, byli «unikalnymi» i amal sajuźnickimi. Ab hetym zajaviŭ rasijski prezident Uładzimir Pucin.
«Niahledziačy na toje, što adnosiny pamiž Rasijaj i našymi zachodnimi partniorami, uklučajučy ZŠA, byli unikalnymi, uzrovień uzajemaadnosin byŭ ledź nie sajuźnickim, našy zakłapočanaści i zaściarohi z nahody pašyreńnia NATA na ŭschod byli absalutna praihnaravanyja», — skazaŭ Pucin.
Jon dadaŭ, što niekalki chval pašyreńnia NATA nablizili vajennuju infrastrukturu błoka ŭščylnuju da miežaŭ Rasii.
«A ŭ Rumynii i Polščy ŭžo razhornutyja sistemy supraćrakietnaj abarony, jakija lohka mohuć być vykarystanyja <…> pad udarnyja kompleksy», — padkreśliŭ prezident Rasii.
«Tym nie mienš našy papiaredžańni apošniaha času dajuć ab sabie znać, jany majuć peŭny efiekt», — praciahnuŭ Pucin.
