Hanarovy konsuł Biełarusi ŭ Iraku zaklikaŭ mihrantaŭ viarnucca dadomu
Madžyd Al-Kajsi, hanarovy konsuł Biełarusi ŭ Iraku, u efiry kurdskaha telebačańnia zajaviŭ pra toje, što kurdskim mihrantam varta viarnucca ŭ Irak.
Učora, 16 listapada, Madžyd Al-Kajsivystupiŭ u efiry NRT. Jon patłumačyŭ, što Biełaruś nijakim čynam nie ŭvodziła ŭ zman hramadzian Iraku i nie vydavała nielehalnych viz. Ale mihrantam varta viarnucca ź Biełarusi dadomu.
Svoj zaklik Madžyd Al-Kajsi patłumačyŭ tym, što Biełaruś nie moža zabiaśpiečyć mihrantaŭ, jakija zastajucca ŭ łahiery na miažy, praduktami charčavańnia. Biełaruś zabiaśpiečvaje mihrantaŭ chiba tolki niekatorymi miedykamientami.
Irak prypyniŭ dziejnaść hanarovaha konsuła Biełarusi na svajoj terytoryi.
Irakskija avijalinii płanujuć pieršy rejs pa evakuacyi svaich hramadzian dadomu ź Biełarusi ŭžo ŭ hety čaćvier.
Pavodle irakskaha partała Shafaq News, Ministerstva zamiežnych spraŭ Iraku zarehistravała 170 svaich hramadzian, jakija chočuć viarnucca dadomu ź biełaruska-polskaj miažy.
