Ministr abarony Polščy: «My pavinny rychtavacca da taho, što kryzis na miažy chutka nie vyrašycca»
Maryjuš Błaščak u efiry 1 kanała Polskaha radyjo zajaviŭ, što Polšča padrychtavanaja da roznych scenaroŭ raźvićcia padziej na miažy, urad uśviedamlaje, što maje spravu z hibrydnaj atakaj, paviedamlaje «Radyjo Svaboda».
Maryjuš Błaščak (u aranžavaj kurtcy) razam z premjer-ministram Polščy Matevušam Maravieckim vitajuć abaroncaŭ polskaj miažy, listapad 2021
«Noč, na žal, nie była spakojnaj. Napružańnie było mienšym, čym toje, što my bačyli ŭ Kuźnicy, adnak mietady zachavalisia — mienšyja hrupy mihrantaŭ sprabavali pierajści miažu ŭ inšych miescach taksama ŭnočy».
Błaščak asobna adznačyŭ, što mihranty praciahvajuć prajaŭlać vialikuju ahresiju suprać polskich pamiežnych słužbaŭ, a napadnikaŭ, u svaju čarhu, adkryta padtrymlivaje režym Łukašenki, jaki isnuje tolki tamu, što karystajecca padtrymkaj Maskvy.