Vyznačylisia ŭsie ŭdzielniki stykavych matčaŭ da ČS pa futbole: siarod ich Rasija, Ukraina i Polšča
U aŭtorak zaviaršyŭsia adboračny turnir da čempijanatu śvietu pa futbole, što projdzie ŭ listapadzie-śniežni 2022 hoda ŭ Katary.
Pieršyja miescy ŭ svaich hrupach zavajavali zbornyja Sierbii, Ispanii, Šviejcaryi, Francyi, Bielhii, Danii, Niderłandaŭ, Anhlii, Charvatyi, Niamieččyny. Jany vyjšli na čempijanat śvietu naŭprost.
Stali viadomyja 12 zbornych, jakija voźmuć udzieł u stykavych matčach. Heta 10 kamandaŭ, što zaniali ŭ hrupach druhija miescy: Partuhalii, Šviecyi, Italii, Ukrainy, Uelsa, Šatłandyi, Turcyi, Polščy, Rasii, Paŭnočnaj Makiedonii, a taksama dźvie kamandy, što prajšli praź Lihu nacyj: Čechii i Aŭstryi.
Heta 12 zbornych buduć raźbity na dźvie hrupy: siejanyja i niasiejanyja i razyhrajuć try pucioŭki (paŭfinały i finał). Viadoma, što Rasija i Ukraina nie zmohuć syhrać pamiž saboj (Rasija — siejanaja, Ukraina — nie).
Losavańnie projdzie 26 listapada, a stykavyja matčy ŭ kancy sakavika.
Zbornaja Biełarusi ŭ svajoj hrupie zaniała apošniaje miesca. Na ČS vyjšła Bielhija, a Uels i Čechija zhulajuć u stykach.
