ZŠA zaklikali Rasiju paŭpłyvać na Biełaruś dla ŭrehulavańnia situacyi ź mihrantami
Vašynhton zaklikaje Maskvu vykarystoŭvać svoj upłyŭ na Minsk dla ŭrehulavańnia situacyi ź mihrantami. Pra heta zajaviła ŭ paniadziełak na rehularnym bryfinhu pres-sakratar Biełaha doma Džen Psaki, piša TASS.
pixabay.com
«My praciahvajem zaklikać Rasiju i prapanujem im napramuju vykarystoŭvać svoj upłyŭ dla taho, kab akazać uździejańnie na Alaksandra Łukašenku, kab jon spyniŭ ekspłuatacyju i prymus ludziej», — zajaviła jana. «Nijakich sumnievaŭ niama ŭ tym, što ŭ ich jość adpaviednyja adnosiny i mahčymaść paŭpłyvać», — ličyć pres-sakratar Biełaha doma.
Psaki było zadadziena pytańnie ab tym, ci nie razhladaje amierykanski prezident Džo Bajden mahčymaść pravieści telefonnuju razmovu z Uładzimiram Pucinym nakont situacyi ź Biełaruśsiu. Pradstaŭnik Biełaha doma zajaviła, što ŭ jaje niama infarmacyi na hetuju temu. «Mnie niama čaho anansavać na temu zvanka Pucinu», - skazała jana. «My niama čaho paviedamić nakont kantaktaŭ», - dadała Psaki.
Jana adznačyła, što ZŠA zachoŭvajuć ciesny kantakt sa svaimi sajuźnikami i raspracoŭvajuć dadatkovyja sankcyi suprać Biełarusi.
Łukašenka i Mierkiel pahavaryli pa telefonie
