Hłaz: My zrabili bolš žorstkimi vizavyja praviły, pazbavili dziasiatki turapierataraŭ licenzii
Biełaruskija ŭłady pryniali šerah mier, jakija nakiravany na źnižeńnie patoku nielehalnaj mihracyi praź Biełaruś u krainy ES, śćviardžaje pres-sakratar MZS Biełarusi Anatol Hłaz.
«My zrabili bolš žorstkija vizavyja praviły ŭ adnosinach da hramadzian šerahu dziaržaŭ, uviedzieny dadatkovy ŭjazny mihracyjny kantrol, uzmocnieny nahlad dziejnaści turystyčnych apierataraŭ, dziasiatki ź jakich užo pazbaŭlenyja licenzij. Realizavany i kompleks inšych mier», — skazaŭ biełaruski čynoŭnik.
Jon dadaŭ, što ŭłady i avijakampanija «Biełavija» vielmi surjozna staviacca da hetaha pytańnia.
«My nieadnarazova i na roznych uzroŭniach całkam vyrazna zajaŭlali: nacyjanalny avijapieravozčyk AAT «Biełavija» nikoli nie pieravoziŭ, nie pieravozić i nie budzie pieravozić uciekačoŭ albo nielehalnych mihrantaŭ», — zajaviŭ jon.
