Ad siońnia admienieny minimalny spažyviecki biudžet, zastajecca tolki BPM
Z 15 listapada ŭ krainie admienieny minimalny spažyviecki biudžet. Ciapier u krainie dziejničaje adziny sacyjalny narmatyŭ — biudžet pražytačnaha minimumu.
U suviazi z admienaj MSB minimalnaja zarpłata zaraz budzie ŭstanaŭlivacca ŭradam zychodziačy z prahnoznaha pakazčyka siaredniaj zarpłaty pa krainie na nastupny hod. MZP pavinna być nie nižej za 30% ad prahnoznaha značeńnia, paviedamlaje reform.by.
Taksama ciapier kryteryjem dla vyznačeńnia pravoŭ hramadzian z małych nasielenych punktaŭ na lhotnyja kredyty na kapitalny ramont i rekanstrukcyju žyłych pamiaškańniaŭ, budaŭnictva inžyniernych sietak, uźviadzieńnie haspadarčych pamiaškańniaŭ i pabudoŭ stanovicca BPM.
Jon składaje trochrazovy siaredniamiesiačny BPM dla pracazdolnaha nasielnictva za apošnija 12 miesiacaŭ, jakija papiaredničajuć padačy zajavy hramadzianami na ŭklučeńnie ŭ śpisy dla atrymańnia lhotnych kredytaŭ.
Anałahičnym čynam źmianiŭsia kryter dla adniasieńnia hramadzian da katehoryi małazabiaśpiečanych, jakija majuć prava na atrymańnie dziaržpadtrymki pry budaŭnictvie abo nabyćci žylla. Ciapier im źjaŭlajecca piacirazovy pamier BPM u siarednim na dušu nasielnictva. Źmienieny i niekatoryja inšyja krytery.
