Źbitaha 19-hadovaha irakca, pra lačeńnie jakoha raskazvali pa dziaržTB, departavali ź Biełarusi i zabaranili ŭjezd na piać hadoŭ
Irakiec Ali Sałach Adan byŭ znojdzieny supracoŭnikami pamiežnaj słužby ŭ lesie ŭ miežach pamiežnaj pałasy 13-j pamiežnaj zastavy kala vioski Tušemla. 19-hadovaha chłopca dastavili ŭ Śvisłackuju balnicu, dzie jamu była akazana miedycynskaja dapamoha.
Siužiet pra źbitaha Ali byŭ pakazany na STB.
Skrynšot STB
SK
«Heta pieršyja kadry vyratavańnia mihranta. Na videa biełarusy, jakim Ali Sałach Adan ciapier abaviazany za svoj druhi dzień naradžeńnia. 19-hadovaha chłopca znajšli na miažy — boty na bosuju nahu, tonkaja kurtka. Pryviali ŭ prytomnaść. Jon pastajanna prasiŭ vady, bo da hetaha čatyry dni ničoha nie jeŭ i nie piŭ. Ciapier žyćciu Ali Sałacha Adana ničoha nie pahražaje, voś tolki rany na rukach i nahach mocna nyjuć. Trymajecca za serca — jano paśla mocnaha stresu stała baleć», — kazałasia ŭ siužecie.
Paśla ŭ razmovie sa śledčym Śvisłackaha SK Ali rastłumačyŭ, što ŭ Biełaruś z Bahdada prylacieŭ na samalocie, piša «Hrodzienskaja praŭda».
Zarehistravaŭsia razam sa svaimi dvuma tavaryšami pa turystyčnaj vizie ŭ adnoj z haścinic Minska. Potym na taksi pryjechali ŭ Hrodzienski rajon i nielehalna pierajšli biełaruska-polskuju miažu. Na terytoryi Polščy žychary zdali ich miascovym pamiežnikam. Pry zatrymańni nielehały kinulisia ŭrassypnuju, Ali ŭdałosia zatrymać. Chłopiec raspavioŭ, što jaho tam bili dubinkami i ŭžyli elektrašokier. Jak znoŭ jon apynuŭsia na terytoryi Biełarusi, nie viedaje. Śvisłackim RASK zaviedziena kryminalnaja sprava pa artykule 159 «Pakidańnie ŭ niebiaśpiecy».
A što dalej? Za znachodžańnie ŭ pamiežnaj zonie biez propusku ŭ dačynieńni da jaho była pryniataja pastanova ab departacyi ŭ Irak i ŭstanoŭlenaja zabarona ŭjezdu ŭ Biełaruś na piać hadoŭ.
