Členy Rady Biaśpieki AAN nazvali režym Łukašenki pahrozaj rehijanalnaj stabilnaści
Pradstaŭniki Ałbanii, Estonii, Francyi, Irłandyi, Narviehii, Vialikabrytanii i ZŠA ŭ Radzie Biaśpieki AAN raspaŭsiudzili sumiesnuju zajavu, u jakoj nazvali dziejańni biełaruskich uładaŭ pa instrumientalizacyi mihrantaŭ biesčałaviečnymi, a režym Łukašenki pahrozaj rehijanalnaj stabilnaści.
«Nieabchodna pradastavić mižnarodnym arhanizacyjam nieadkładny i bieśpieraškodny dostup da ludziej, jakija znachodziacca tam, dla dastaŭki humanitarnaj dapamohi», — havorycca ŭ zajavie.
Pryčynaj raźviazvańnia hibrydnaj ahresii členy RB AAN nazvali žadańnie režymu Łukašenki adciahnuć uvahu «ad jaje ŭłasnaha uzmacnieńnia parušeńniaŭ pravoŭ čałavieka». Jany zaklikajuć pryciahnuć Biełaruś da adkaznaści.
Krainy, jakija padpisali zajavu, salidarnyja z Polščy i Litvoj. Ad biełaruskaha režymu siabry RB AAN patrabujuć zabiaśpiečyć i spryjać adekvatnaj abaronie i sychodu mihrantaŭ.