TASS: Piaty pakiet sankcyj ES suprać Minska nie budzie ŭklučać ekanamičnych mier
Piaty pakiet sankcyj ES suprać Minska nie budzie ŭklučać siektaralnych ekanamičnych mier, a tolki metavyja sankcyi ŭ dačynieńni da čynoŭnikaŭ i siłavikoŭ, akramia taho moža być stvorany čorny śpis «avijakampanij, što dastaŭlajuć mihrantaŭ».
AP
Pra heta paviedamiła ŭ čaćvier TASS krynica ŭ instytutach ES u Bruseli.
«Ekanamičnyja sankcyi ciapier nie razhladajucca. Piaty pakiet budzie ŭklučać metavyja indyvidualnyja miery, a taksama moža być uzhodnieny čorny śpis avijakampanij trecich krain, jakija dastaŭlajuć mihrantaŭ u Biełaruś, — paviedamiła krynica. — Dyskusija pra heta praciahniecca 15 listapada na pasiadžeńni Rady ES [na ŭzroŭni ministraŭ zamiežnych spraŭ u Brusieli]».
U čaćvier aficyjnaja pradstaŭnica Jeŭrakamisii Dana Śpinant paćvierdziła na bryfinhu ŭ Bruseli, što Jeŭrakamisija razhladaje mahčymaść uviadzieńnia «čornaha śpisu avijakampanij, jakija pieravoziać mihrantaŭ u Miensk».