U Litvie dla školnikaŭ uviaduć «pašparty mahčymaściaŭ» i maski. Z nastupnaha tydnia źmieny zakranuć i darosłych
Urad Litvy ŭ sieradu na pasiadžeńni abmierkavaŭ šerah źmianieńniaŭ nakont situacyi z karanavirusam u krainie. Pik hetaj chvali karanavirusa jašče nie dasiahnuty, mahčyma, pahoršyć situacyju i kaladny pieryjad, paviedamlaje Delfi.
Delfi
Tak, z 29 śniežnia dla dziaciej z 12 hadoŭ treba budzie mieć «pašpart mahčymaściaŭ» (dakumient ab vakcynacyi abo adsutnaści kavidu, jaki treba pakazvać pry naviedvańni handlovych centraŭ, abo punktaŭ hramadskaha charčavańnia — jak Makdonalds ci KFC, jakija karystajucca vialikaj papularnaściu siarod školnikaŭ)
Dla atrymańnia «pašparta mahčymaściaŭ» niepryščeplenymi (u Litvie možna atrymać vakcynu z 12 hadoŭ) možna zdać tolki PŁR-test i jon budzie dziejničać 72 hadziny.
Heta pałažeńnie stupić u siłu z 1 śniežnia.
Akramia taho, z 1 śniežnia ŭvodzicca termin dziejańnia «pašparta mahčymaściaŭ» - 7 miesiacaŭ z momantu poŭnaj vakcynacyi.
Taksama z nastupnaha paniadziełka, 15 listapada, možna nasić tolki miedycynskija maski i reśpiratary.
Z 1 śniežnia maski buduć nasić usie školniki i rabotniki škoł (maski pavinny vydavać u škołach). Taki termin abrany, kab paśpieli vyrabić maski dla dziaciej.
Bustarnaj dozaj praz 4 miesiacy paśla poŭnaj vakcynacyi možna pryščapicca ŭžo z 17 listapada.
Taksama z 17 listapada paśla kantaktu z chvorymi pryjdziecca izalavacca i pryščeplenym da atrymańnia admoŭnaha vyniku PŁR-testu.
