Bajden vykazaŭsia za sankcyi suprać avijakampanij za pieravozku mihrantaŭ u Minsk
U Vašynhtonie, u Biełym domie, adbyłasia sustreča prezidenta ZŠA Džo Bajdena i kiraŭnika Jeŭrakamisiii Ursuli fon der Lajen.
Archiŭnaje fota AFP
Adkazvajučy na pytańnie žurnalistaŭ ab kryzisie na biełaruska-polskaj miažy, fon der Lajen pahadziłasia z Bajdenam u pytańni mahčymaha ŭviadzieńnia sankcyj suprać avijakampanij, jakija ažyćciaŭlajuć transparciroŭku mihrantaŭ u Minsk, piša «Hołas Amieryki».
Pa słovach kiraŭnika Jeŭrakamisii, sankcyi suprać Minska buduć pašyranyja. Jana padkreśliła, što hetyja sankcyi buduć nakiravanyja jak suprać asobnych asob, tak i suprać šerahu struktur.
U sieradu pra ŭzmacnieńnie cisku na aficyjny Minsk u vypadku, kali Biełaruś budzie parušać svaje mižnarodnyja abaviazki i padryvać biaśpieku ŭ Jeŭropie, zajaviŭ dziaržsakratar ZŠA Entani Blinkien.