U Minsku kantralorka afarmlała pa niekalki štrafaŭ na adnaho čałavieka dziela premij za vykanańnie płana
Kantralor «Minsktransa» atrymała try hady pazbaŭleńnia voli z adterminoŭkaj na dva hady pa artykule ab złoŭžyvańni ŭładaj abo słužbovymi paŭnamoctvami. Akramia hetaha, žančyna try hady nie moža zajmać pasady, źviazanyja z ažyćciaŭleńniem jurydyčna značnych dziejańniaŭ. Rašeńnie vynies sud Frunzienskaha rajona Minska 1 listapada.
Pavodle abvinavačvańnia, kantralor sa studzienia da červienia 2020 hoda łaviła bieźbiletnikaŭ i vypisvała štrafy na inšych ludziej, jakija raniej pryciahvalisia za bieźbiletny prajezd i čyje pašpartnyja źviestki ŭ jaje byli. Takim čynam žančyna chacieła atrymlivać premii za štrafy, jakija pastupili ŭ biudžet. Ahulnaja škoda trom paciarpiełym i «Minsktransu» była acenienaja ŭ 751 rubiel, paviedamlaje pres-słužba suda.
