U Pieciarburhu zatrymali 24-hadovuju biełarusku. Ciłaviki padazrajuć jaje ŭ raspalvańni varožaści
24-hadovuju Janu ź Biełarusi, što pracavała aficyjantkaj, zatrymali 1 listapada. Da jaje pryjšli supracoŭniki kryminalnaha vyšuku i dastavili ŭ adździeł palicyi na Vasiljeŭskim vostravie, piša miascovaje vydańnie «Fantanka».
Jak vyśvietliłasia, dziaŭčyna znachodziłasia ŭ vyšuku na radzimie. Apošni raz Jana była ŭ Biełarusi kala hoda tamu.
Dziaŭčyna svabodna pieramiaščałasia pamiž Maskvoj i Pieciarburham, navat nie padazrajučy, što ŭ Biełarusi jaje ŭžo šukajuć. U dačynieńni da jaje raspačata sprava pa artykułach ab raspalvańni varožaści i zaklikach da dziejańniaŭ, nakiravanych na pryčynieńnie škody nacyjanalnaj biaśpiecy.
Jaje małady čałaviek Mikita raskazaŭ «Fantancy», što Jana ničoha supraćzakonnaha nie rabiła, a prakuraturu naviedała razam z advakatam.
