Za abraźlivyja kamientary na adras čynoŭnikaŭ i Łukašenki mužčynu pakarali tryma hadami «chimii» i vialikim štrafam
Jak stała viadoma pravabaroncam, u sudzie Savieckaha rajona h. Minska 29 kastryčnika ahučyli prysud pa krymilnaj spravie ŭ dačynieńni da palitźniavolenaha Vadzima Hila, jakoha vinavacili ŭ abrazie pradstaŭnika ŭłady (art. 369 KK) i abrazie prezidenta (č. 1 art. 368 KK).
Ahučyli prysud pa kryminalnaj spravie ŭ dačynieńni da palitźniavolenaha Vadzima Hila, jakoha vinavacili ŭ abrazie pradstaŭnika ŭłady (art. 369 KK) i abrazie prezidenta (č. 1 art. 368 KK). Pavodle abvinavačvańnia, mužčyna z krasavika pa červień 2021 hodu pakinuŭ šerah kamientaroŭ u čacie telehram-kanała «Kułuary KYKY», u jakich abraziŭ 11 čałaviek.
Paciarpiełymi pa spravie byli pryznanyja načalnik minskaha AMAPa Dźmitryj Bałaba, milicyjant-kiroŭca Šukajła, staršynia pastajannaj kamii Pałaty pradstaŭnikoŭ Andrej Savinych i prakurorka Alina Kaśjančyk.
Sudździa Maryna Fiodarava prysudziła Hilu try hady «chimii» i štraf u 300 bazavych. Akramia taho, jana pastanaviła kanfiskavać mabilny telefon mužčyny u dachod dziaržavy, a taksama vypłacić Bałabie maralnuju kampiensacyju ŭ pamiery 1000 rubloŭ.
