Zialenski ŭpieršyniu ŭznačaliŭ antyrejtynh ukrainskich palitykaŭ
Prezident Ukrainy Uładzimir Zialenski ŭpieršyniu z pačatku svajoj palityčnaj karjery zaniaŭ pieršaje miesca ŭ rejtynhu pierson, za jakich ukraincy nie prahałasavali b ni ŭ jakim razie. Pra heta śviedčać danyja apytańnia, jaki pravioŭ ukrainski «Razumkoŭ centr».
Raniej najbolšy antyrejtynh mieŭ papiarednik Zialenskaha na pasadzie prezidenta Piotr Parašenka.
Pavodle apytańnia, 31,9% ukraincaŭ zajavili, što ni pry jakich abstavinach nie addaduć svoj hołas Zialenskamu. Parašenka ŭ hetym śpisie akazaŭsia na druhim miescy, jaho antyrejtynh skłaŭ 31,6%. Na trecim miescy — Viktar Miedźviadčuk, u nieprymirymyja praciŭniki jakoha zapisalisia 24,7% udzielnikaŭ apytańnia.
Razam z tym Zialenski praciahvaje lidziravać ŭ rejtynhu tych, kaho ŭkraincy chacieli b bačyć svaim prezidentam (18,7% hałasoŭ). Za im iduć:
- Piotr Parašenka — 12,7%;
- Juryj Bojka — 6,2%;
- Dźmitryj Razumkoŭ — 5,5%;
- Julija Cimašenka — 5,0%.
