Troje dziaciej ledź nie spalili kvateru ŭ Klimavickim rajonie: maci pakinuła ich adnych doma
Niaščasny vypadak adbyŭsia 29 kastryčnika ŭ vioscy Barsuki. 27-hadovaja šmatdzietnaja maci razam sa starejšym synam adpraviłasia ŭ hości. Doma biez nahladu zakrytymi ŭ kvatery zastalisia troje dziaciej: 2014 i 2017 hadoŭ naradžeńnia.
«Kala 21.00, kali zvykłyja hulni dzieciam nadakučyli, u ich rukach apynulisia zapałki, jakija lažali na kuchni ŭ dastupnym dla ich miescy, — piša BiełTA. — U vyniku ahoń trapiŭ na kilim, tleńnie jakoha zapoŭniła pakoj dymam. Dzieci pierajšli ŭ susiedni pakoj, i starejšaja dziaŭčynka pasprabavała raźbić akno. Dym, kryki i płač małych pačuli susiedzi i vyklikali ratavalnikaŭ. U hety čas viarnułasia i maci dziaciej. Jana adčyniła kvateru i vyvieła dziaciej na vulicu. Nichto nie paciarpieŭ».
Dzieci špitalizavanyja pa sacyjalnych pakazańniach, a ŭ vyniku pažaru paškodžana majomaść u kvatery.
