Prahramista ź Sienicy za abrazu Łukašenki asudzili na dva hady kałonii
U sudzie Minskaha rajona byŭ vyniesieny prysud pa kryminalnaj spravie za abrazu Łukašenki (art. 368 KK RB). Na łavie padsudnych akazaŭsia technik-prahramist ź Sienicy Aleh Harmazinski.
Harmazinski byŭ zatrymany na troje sutak 24 červienia ŭ Staŭbcoŭskim rajonie i źmieščany ŭ izalatar, a zatym dapuščany da suda pad padpisku ab niavyjeździe, paviedamlajuć pravabaroncy.
Pavodle boku abvinavačnvańnia, Aleh Harmazinski ŭ adnym z telehram-kanałaŭ 18 listapada 2020 hoda i 18 studzienia, a taksama 23 sakavika 2021 hoda raźmiaściŭ niekalki paviedamleńniaŭ źniavažlivaha charaktaru, jakija ŭtrymlivali niehatyŭnyja acenki Łukašenki. Adno ź ich tyčyłasia situacyi z čempijanatam śvietu pa chakiei.
Śviedka Michaś Maroz raspavioŭ sudu pra zaciažny kanflikt ź jahonym susiedam Harmazinskim.
Dziaržabvinavaŭca zapatrabavaŭ u suda dla Aleha Harmazinskaha pazbaŭleńnia voli terminam na dva hady ŭ kałonii ahulnaha režymu. Sudździa Alaksiej Krapačoŭ i vynies taki prysud.
Harmazinski byŭ uziaty pad vartu ŭ zale suda. Paviedamlajecca, što jon žanaty, u jaho jość niepaŭnaletniaje dzicia.
Minčuku dali 1,5 hoda «chatniaj chimii» za abrazu Čamadanavaj pad pastom pra sud za abrazu Čamadanavaj
