«Kab uźjadnalisia siemji». Novy arcybiskup paabiacaŭ malicca za skoruju amnistyju dla źniavolenych u Biełarusi
23 kastryčnika padčas uračystaj śviatoj Imšy z nahody aficyjnaha ŭstupleńnia na pasadu Mitrapalita Minska-Mahiloŭskaj archidyjacezii arcybiskup Juzaf Stanieŭski zapeŭniŭ u svajoj malitvie ab paskareńni amnistyi dla źniavolenych, pieradaje Satholic.by.
Fota Viktara Viedzienia
«Kaścioł na Biełarusi śledam za papam Franciškam zaklikaje i abiacaje prykłaści ŭsie namahańni, kab našyja mary ab «siamji jak krynicy radaści i nadziei» ździejśnilisia ŭ našym hramadstvie. Siońnia patrebna nie krytyka, a supracoŭnictva ŭsich «ludziej dobraj voli» ŭ realizacyi hetaj mety», — zasiarodziŭ uvahu arcybiskup.
«Abiacaju achinuć svajoju malitvaju prośbu Śviatoha Pasadu ab paskareńni pracesu amnistyi dla źniavolenych (…). Kab pajadnalisia siemji», — skazaŭ arcybiskup Stanieŭski padčas śviatoj Imšy, jakuju jon upieršyniu pravioŭ u minskim kafiedralnym kaściole Najśviaciejšaha Imia Maryi ŭ jakaści mitrapalita Minska-Mahiloŭskaha.