U Biełarusi raspracavali snajpierskuju vintoŭku FOTA
Kanstruktary adnaho z pradpryjemstvaŭ sistemy Dziaržkamvajenprama raspracavali madel snajpierskaj vintoŭki SCR-1200 pad patron 7.62ch54R u troch madyfikacyjach: SCR-1200M, SCR-1200P, SCR-1200W, jakaja źjaŭlajecca hłybokaj madernizacyjaj snajpierskaj vintoŭki Drahunova (SVD).
Źmieny, uniesienyja ŭ kanstrukcyju zbroi, dazvalajuć značna chutčej prystupić da boju i prycelna strelić. Pry hetym centroŭka zbroi i jaje chutkastrelnaść absalutna nie źmianilisia. Nievialikaje źmianieńnie zakranuła tolki vahu. Vintoŭka stała krychu ciažejšaja za SVD, paviedamlaje Dziaržvajenpram.
U ciapierašni čas snajpierskaja vintoŭka SCR-1200 paśpiachova prajšła sieryju vyprabavańniaŭ u śpiecpadraździaleńniach biełaruskich siłavych struktur, demanstravałasia Alaksandru Łukašenku padčas jaho naviedvańnia navukova-vytvorčaha kłastara «Vuście» letam 2021 hoda.
