Minzdaroŭja admianiŭ abaviazkovy masačny režym
Adpaviednaja pastanova viedamstva apublikavana na nacyjanalnym pravavym internet-partale.
U pastanovie, pavodle Minzdaroŭja, aktualizavanyja sanitarna-supraćepidemičnyja mierapryjemstvy ŭ pieryjad rehistracyi vypadkaŭ infiekcyi COVID-19. Havorka idzie ab zabieśpiačeńni kantrolu z boku kiraŭnikoŭ abjektaŭ i arhanizacyj za tym, jak vykarystoŭvajucca srodki abarony orhanaŭ dychańnia rabotnikami i fizičnymi asobami. U tym liku pry adsutnaści mahčymaści arhanizacyi ŭmoŭ dla vykanańnia sacyjalnaj dystancyi (1-1,5 mietra).
U balničnych arhanizacyjach achovy zdaroŭja pavinien być raspracavany płan arhanizacyi pracy ŭ režymie, jaki zabiaśpiečvaje zachavańnie ŭmoŭ infiekcyjnaha stacyjanara. Taksama nieabchodna raspracavać schiemy zanavańnia ŭ ambułatorna-palikliničnych i balničnych arhanizacyjach z zachavańniem łahistyki pieramiaščeńnia pacyjentaŭ i rabotnikaŭ.
Vyklučana patrabavańnie da abaviazkovaści vykarystańnia fizasobami srodkaŭ indyvidualnaj abarony (masak) pry naviedvańni abjektaŭ, arhanizacyj, aŭtamabilnaha, za vyklučeńniem aŭtamabilaŭ asabistaha karystańnia, pavietranaha, vodnaha, čyhunačnaha transpartu, uklučajučy mietrapaliten.
Učora źjaviłasia infarmacyja, što z 1 listapada ŭ Minsku taksisty i kurjery pavinny buduć mieć siertyfikat ab vakcynacyi.
Siońnia stała viadoma, što rašeńnie admienienaje, jak i patrabavańnie ab abaviazkovym masačnym režymie.
Nahadajem, što na naradzie 19 kastryčnika Alaksandr Łukašenka zahadaŭ spynić pravierki abaviazkovaha masačnaha režymu i nikoha nie prymušać da vakcynacyi.
Łukašenka zaniaŭsia kavid-prafiłaktykaj nasielnictva, ale atrymałasia tolki horš. Što jon skazaŭ
«U nas pazicyja — nie treba masak, ničoha, samo projdzie». Što dumajuć miedyki pra rezanansnaje pasiadžeńnie pa karanavirusie
