Bajden raspavioŭ pra tradycyju ŭ ich siamji: kali dziciaci spaŭniajecca 15, dla jaho ładziać pajezdku ŭ kancłahier Dachau. Navošta?
Prezident ZŠA Džo Bajden raspavioŭ, što adpraŭlaŭ dziaciej i ŭnukaŭ u były kancłahier Dachau, kab tyja ŭbačyli złačynstvy nacystaŭ, a taksama daviedalisia ab abyjakavaści abyvacielaŭ, jakija dazvolili trahiedyi zdarycca. Pra heta piša RIA Naviny.
Džo Bajden u Dachau ŭ 2015 hodzie.
Amierykanski lidar zhadaŭ pra takija pajezdki ŭ Hiermaniju jak pra siamiejnuju tradycyju, abaviazkovuju pa dasiahnieńni 15 hadoŭ. Jon adznačyŭ, što «daje słova Bajdena» — sadzić dziaciej i ŭnukaŭ u samalot i adpraŭlaje ŭ Dachau.
«Ja chaču, kab jany bačyli pryjemnyja domiki, jakija stajali prosta nasuprać płota, ź ich pryhožymi dachami. Ludzi, jakija tam žyli, pierakonvali siabie: «Heta nie ja, ja hetaha nie rablu. Ja nie viedaju, što tam adbyvajecca», — padkreśliŭ Bajden.
Prezident ZŠA taksama padzialiŭsia, što pra Chałakost ź im časta havaryŭ baćka. «Jon horača vieryŭ u toje, što adziny sposab vykanać zapaviedź «nikoli bolš» — nahadvać sabie pra toje, što zdaryłasia, pra toje, kolki ludziej, jakija ličać siabie prystojnymi, paličyli za lepšaje dumać, što nasamreč hetaha nie było, što jany nie viedali pra toje, što rabiłasia», — raspavioŭ Bajden.
Dachau byŭ pieršym kancłahieram, stvoranym u Hiermanii paśla prychodu da ŭłady Adolfa Hitlera. Tam zahinuli da 70 tysiač čałaviek, a tyja viaźni, što zastalisia ŭ žyvych, byli vyzvaleny amierykanskimi vojskami ŭ krasaviku 1945 hoda.
