Biełaruski vajskovy kantynhient adpraviŭsia ŭ Tadžykistan
Jon budzie brać udzieł u sumiesnym vučeńni ź siłami ADKB, što projduć z 18 da 23 kastryčnika.
Fota Minabarony
Biełaruski vajskovy kantynhient adpraviŭsia ŭ Tadžykistan. Jon voźmie ŭdzieł u sumiesnym vučeńni z kalektyŭnymi siłami apieratyŭnaha reahavańnia ADKB «Uzajemadziejańnie-2021», a taksama ŭ vučeńni ź siłami i srodkami raźviedki «Pošuk-2021» i śpiecyjalnym vučeńni «Ešałon-2021», paviedamlaje Minabarony ŭ svaim telehram-kanale.
Pa słovach pieršaha namieśnika načalnika Hienieralnaha štaba Ihara Karala, vučeńni płanavyja: «Hałoŭnaja asablivaść vučeńniaŭ u tym, što na adnym palihonie kompleksna projduć adrazu try vučeńni. U vučeńniach voźmuć udzieł nie tolki vajskoŭcy ad Uzbrojenych sił. Sioleta zadziejničany pradstaŭniki farmiravańniaŭ sił śpiecyjalnaha pryznačeńnia — ad unutranych vojskaŭ Ministerstva ŭnutranych spraŭ i ad Ministerstva pa nadzvyčajnych situacyjach, jakija ŭvachodziać u skład Kalektyŭnych sił apieratyŭnaha reahavańnia. Jany buduć vykonvać svaje śpiecyjalnyja zadačy va ŭzajemadziejańni z vajskovymi padraździaleńniami».