Palaki znajšli kala biełaruskaj miažy cieła maładoha siryjca
U vakolicach Klimaŭka (Padlašša), u zonie nadzvyčajnaha stanovišča, u poli znajšli cieła maładoha čałavieka. Dakumienty śviedčać ab tym, što heta 24-hadovy siryjec, jaki raniej znachodziŭsia ŭ Biełarusi, paviedamiŭ pres-sakratar palicyi Padlašša Tomaš Krupa, paviedamlaje Radyjo Svaboda.
Rasśledavańnie abstavin i pryčyn śmierci mužčyny pravodzić prakuratura ŭ Sakułcy. Jano datyčyć zabojstva čałavieka pa nieaściarožnaści.
Krupa skazaŭ, što cieła było znojdziena ŭ sieradu padčas patrulavańnia terytoryi palicejskim viertalotam.
— Cieła mužčyny było znojdziena ŭ poli, — dadaŭ jon. — Papiarednija vysnovy śviedčać ab tym, što heta trup čałavieka, jaki raniej znachodziŭsia ŭ Biełarusi, ab čym śviedčać dakumienty, znojdzienyja pobač ź im, — paviedamiŭ Krupa.
— Pobač ź ciełam znojdzieny biełaruskija vizavyja dakumienty ad 15 vieraśnia. Takim čynam, usio śviedčyć ab tym, što hety čałaviek pryjechaŭ u Biełaruś u siaredzinie vieraśnia, skazaŭ Krupa.
Heta piaty padobny vypadak u Polščy na miažy ź Biełaruśsiu.