Dla majnieraŭ kryptavaluty budzie svoj taryf na elektraenierhiju
U pastanovie Minenierha i Ministerstva antymanapolnaha rehulavańnia i handlu Biełarusi, apublikavanaj na Nacyjanalnym pravavym internet-partale, havorycca: majnier kryptavalut i apieratary data-centraŭ uvajšli ŭ novuju taryfnuju hrupu spažyŭcoŭ elektraenierhii, paviedamlaje Onliner.by
U dakumiencie havorycca: «Da katehoryi «Arhanizacyi, jakija ažyćciaŭlajuć apracoŭku danych, pradastaŭleńnie pasłuh pa raźmiaščeńni infarmacyi i źviazanuju z hetym dziejnaść, uklučajučy majninh i dziejnaść centraŭ apracoŭki danych» adnosiacca spažyŭcy, vidam dziejnaści jakich źjaŭlajecca apracoŭka danych, pradastaŭleńnie pasłuh pa raźmiaščeńni infarmacyi i źviazanaja z hetym dziejnaść, pry abjomie spažyvańnia elektryčnaj enierhii ŭ hod ad 25 młn kVt·h i vyšej».
Minenierha vydzieliła dla hetaj katehoryi čatyry taryfnyja hrupy ŭ zaležnaści ad abjomaŭ spažyvańnia elektraenierhii:
— ad 25 młn kVt/h da 50 młn kVt/h;
— ad 50 młn kVt/h da 300 młn kVt/h;
— ad 300 młn kVt/h da 500 młn kVt/h;
— ad 500 młn kVt kVt h.
Kolki budzie kaštavać elektraenierhija, nie paviedamlajecca.
