Pieršy jeŭrapiejski kasmadrom pabudujuć u Šviecyi
Kaśmičny centr Esrange niepadalok ad Kiruny, samaha paŭnočnaha horada Šviecyi, stanie pieršaj placoŭkaj dla zapusku spadarožnikaŭ u Jeŭrapiejskim Sajuzie (ES), paviedamlaje Euractiv.
Fota: Swedish Space Corporation
Esrange, raźmieščany za 200 kiłamietraŭ na poŭnač ad Palarnaha kruha, byŭ zasnavany ŭ siaredzinie 1960-ch i źjaŭlajecca rakietnym palihonam Šviecyi.
Ciapier tut stvarajuć infrastrukturu, jakaja dazvolić zapuskać u kosmas spadarožniki Jeŭrasajuza. Dla hetaha buduć madernizavany rakietnyja vyprabavalnyja kompleksy i raspracavany naziemnyja technałohii suviazi sa spadarožnikami. U ramkach prajekta pabudujuć novuju startavuju placoŭku, madernizujuć i pašyrać paliŭnuju infrastrukturu.
Abjekt pavinien być hatovy da leta 2022 hoda.
«Novy kasmadrom stanie pieršaj startavaj placoŭkaj na macierykovaj častcy Jeŭropy, jakaja pradastavić kaśmičnym kampanijam płatformu dla raspracoŭki rakietnych technałohij nastupnaha pakaleńnia i zapusku ŭłasnych spadarožnikaŭ», — zajaviŭ pradstaŭnik šviedskaj kaśmičnaj karparacyi Filip Polsan.
