Першы еўрапейскі касмадром пабудуюць у Швецыі
Касмічны цэнтр Esrange непадалёк ад Кіруны, самага паўночнага горада Швецыі, стане першай пляцоўкай для запуску спадарожнікаў у Еўрапейскім Саюзе (ЕС), паведамляе Euractiv.
Фота: Swedish Space Corporation
Esrange, размешчаны за 200 кіламетраў на поўнач ад Палярнага круга, быў заснаваны ў сярэдзіне 1960-х і з'яўляецца ракетным палігонам Швецыі.
Цяпер тут ствараюць інфраструктуру, якая дазволіць запускаць у космас спадарожнікі Еўрасаюза. Для гэтага будуць мадэрнізаваны ракетныя выпрабавальныя комплексы і распрацаваны наземныя тэхналогіі сувязі са спадарожнікамі. У рамках праекта пабудуюць новую стартавую пляцоўку, мадэрнізуюць і пашыраць паліўную інфраструктуру.
Аб'ект павінен быць гатовы да лета 2022 года.
«Новы касмадром стане першай стартавай пляцоўкай на мацерыковай частцы Еўропы, якая прадаставіць касмічным кампаніям платформу для распрацоўкі ракетных тэхналогій наступнага пакалення і запуску ўласных спадарожнікаў», — заявіў прадстаўнік шведскай касмічнай карпарацыі Філіп Польсан.
