Vałancioru vybarčaha štaba Cichanoŭskaj prysudzili try hady «chimii» za ŭdzieł u maršy 16 žniŭnia
Vyniesieny prysud pa kryminalnaj spravie palitviaźnia Alaksandra Dabryjanika, jakoha vinavacili pa č.1 art. 342 KK RB (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
Jaho abvinavačvali va ŭdziele ŭ Maršy 16 žniŭnia 2020 hoda, što staŭ samaj masavaj manifiestacyjaj u paślavybarčy pieryjad.
Pavodle abvinavačvańnia, Alaksandr «razam ź inšymi parušaŭ hramadski paradak, vykrykvaŭ łozunhi, plaskaŭ u ładki, vychodziŭ na prajeznuju častku i pierakryvaŭ ruch hramadskaha transpartu».
U svaim apošnim słovie Dabryjanik kazaŭ, što na toj momant ličyŭ, što nie źjaŭlaŭsia aktyŭnym udzielnikam masavaha mierapryjemstva, nie zhodny, što pierakryvaŭ vulicy i prasiŭ sud razabracca spraviadliva, paviedamlajuć pravaabaroncy.
U vyniku sudździa Siarhiej Šaciła prysudziŭ palitviaźniu try hady «chimii» i vyzvaliŭ u zale suda da pryznačeńnia jamu miesca i ŭmoŭ pakarańnia.