SAAZ: Čałaviectva pieraadoleła 60% šlachu ŭ baraćbie z karanavirusam
Ale źjaŭleńnie novych štamaŭ i inšyja niečakanyja pieraškody mohuć značna addalić zaviaršeńnie pandemii.
Pra heta zajaviła viadučaja navukovaja supracoŭnica Suśvietnaj arhanizacyi achovy zdaroŭja Sumija Svaminatan u intervju šviejcarskamu vydańniu Blick.
Na dumku pradstaŭnicy SAAZ, kazać, što pandemija chutka zavieršycca, «zaŭčasna».
«Dla hetaha isnuje šmat nieviadomaha. … U pryvatnaści, heta niečakanaje źjaŭleńnie novych varyjantaŭ virusa», — patłumačyła jana.
Svaminatan źviarnuła ŭvahu na toje, što ŭ niekatorych častkach śvietu vielmi vysoki adsotak vakcynavanaha nasielnictva — 70-80%, tady jak u inšych, naprykład va ŭsioj Afrycy, całkam imunizavanych mienš za 4%.
Supracoŭnica SAAZ zaklikała vykarystoŭvać usie najaŭnyja preparaty dla pavyšeńnia ŭzroŭniu vakcynacyi va ŭsim śviecie.
Što efiektyŭniejšaje: «Sputnik» abo kitajskaja vakcyna?
