Mocna pjany kiroŭca chutkaj dapamohi trapiŭ u avaryju ŭ centry Słucka
Pobač z centralnaj aptekaj aŭtamabil HAZiel chutkaj dapamohi zajechaŭ u Mercedes-Benz Sprinter. Pa słovach vidavočcaŭ, kiroŭca «chutkaj» pavodziŭ siabie vielmi padazrona, ledź trymaŭsia na nahach, adnak amal adrazu prybyŭ ekipaž DPS — i kiroŭca pasprabavaŭ źbiehčy. U vyniku jaho zatrymali, a paśla ahladu i «afarmleńnia» avaryi advieźli dadomu, piša slutsk-gorod.by.
Situacyju prakamientavali ŭ Słuckaj DAI. Ustanoŭlena, što mikraaŭtobus Mercedes spyniŭsia pierad piešachodnym pierachodam dla propusku piešachodaŭ, u hety momant u jaho zzadu zajechała HAZiel chutkaj dapamohi, bryhada jakoj jechała na vyklik. U vyniku sutyknieńnia bus vykaciŭsia napierad prykładna na 15 mietraŭ.
Cudam nichto nie paciarpieŭ, u momant udaru piešachody jašče nie vyjšli na prajeznuju častku.
Vyśvietliłasia, što kiroŭca «chutkaj» ranicaj pryjšoŭ na pracu ćviarozym, prajšoŭ miedahlad i vyjechaŭ na liniju. Pry sabie ŭ jaho było śpirtnoje, jakoje jon užyvaŭ na praciahu pracoŭnaha dnia. Ałkatest pakazaŭ u kryvi parušalnika 4 pramile ałkaholu.
