Chłopcu, jaki admoviŭsia ad prezidenckaj stypiendyi, pradjavili jašče adno abvinavačańnie
Palitviaźniu Arciomu Bajarskamu pradjaŭlena jašče adno abvinavačvańnie. Jaho spravu nakiravali ŭ prakuraturu.
Pravaabaroncam stała viadoma, što 20-hadovamu palitźniavolenamu Arciomu Bajarskamu, jaki znachodzicca za kratami ŭžo bolš za paŭhoda, pradjavili novaje abvinavačvańnie. Akramia art. 361-1 KK (stvareńnie albo kiraŭnictva ekstremisckim farmavańniem), Arcioma taksama abvinavačvajuć pa č. 1 art. 342 KK (arhanizacyja dziejańniaŭ, što hruba parušajuć hramadski paradak). Taksama maci paviedamiła, što spravu nakiravali ŭ prakuraturu.
8 kastryčnika baćki ŭbačylisia z Arciomam pieršy raz za 7 miesiacaŭ. Pa słovach maci, Arciom vyhladaje nie vielmi dobra.
Nahadajem, studenta chimfaka BDU Arcioma Bajarskaha źbili paśla zatrymańnia, kab zapisać pryznańnie na videa dla kanała Azaronka: bili dubinkami pa śpinie i jahadzicach.
Letaś u žniŭni Arciom, razam jašče z sotniaj studentaŭ, admoviŭsia ad prezidenckaj stypiendyi. Jašče školnikam jon čatyry razy zajmaŭ pryzavyja miescy na nacyjanalnych alimpijadach u chimii. 4 červienia stała viadoma, što palitviaźnia adličyli z chimfaka BDU.
Padtrymać Arcioma listami salidarnaści pa adrasie:
SIZA-1, vuł. Vaładarskaha, 2, h. Minsk, 220030
