Rasija ŭvodzić ispyty dla mihrantaŭ-budaŭnikoŭ ź Biełarusi i krain Centralnaj Azii
Da kanca hoda ŭ Rasii płanujecca ŭvieści pravierku kvalifikacyi mihrantaŭ ź Biełarusi i niekatorych inšych dziaržaŭ dla pracy na budoŭlach.
Jak raskazaŭ TASS prezident rasijskaha Nacyjanalnaha abjadnańnia budaŭnikoŭ Anton Hłuškoŭ, užo ad listapada ŭsie zamiežnyja rabočyja, akramia vakcynacyi i pravierki MUS, pavinny buduć zdavać ispyt. Probnaje testavańnie zapłanavali na nastupny tydzień.
«Jak tolki zavieršym arhanizacyju kvalifikacyjnaj pravierki va Uźbiekistanie i pakažam jaje vyniki, z hatovym praduktam budziem vychodzić i sustrakacca z kalehami z Tadžykistana i Biełarusi. Dumaju, da kanca hoda zapuścim ispyty i tam, i tam. U pryvatnaści, ź Biełaruśsiu ŭžo viadziom pieramovy, nieŭzabavie praviadziom sustrečy», — skazaŭ Anton Hłuškoŭ.
Jon udakładniŭ, što havorka pra dystancyjny tearetyčny ispyt, arhanizacyjaj jakoha zajmajecca Nacyjanalnaje abjadnańnie budaŭnikoŭ. Testavańnie na 80% składajecca z prafiesijnych pytańniaŭ u zaležnaści ad abranaj śpiecyjalnaści i na 20% — ź niuansaŭ u narmatyvach achovy pracy.
Pa słovach Antona Hłuškova, 80% mihrantaŭ-budaŭnikoŭ u Rasii prypadaje na hramadzian Uźbiekistana, Tadžykistana i Biełarusi.
