Fejsbuk, Instahram, Vatsap adnavili pracu paśla maštabnaha zboju i nazvali pryčynu
Praca była abnoŭlena bližej da hadziny nočy paśla šaścihadzinnaha zboju.
Getty Images
Fejsbuk abviaściŭ pra adnaŭleńnie ŭ tvitary: sacyjalnaja sietka i spadarožnyja servisy znoŭ stali dastupnyja dla karystalnikaŭ.
Niejki čas tolki Vatsap pa-raniejšamu zastavaŭsia niejki čas niedastupny.
Telekanał CNBC nazvaŭ situacyju ŭnikalnaj. Žurnalisty ŭdakładnili, što zboj staŭ «samym praciahłym adklučeńniem dla Facebook z 2008 hoda». Tady sacyjalnaja sietka była niedastupnaja dla 80 miljonaŭ juzieraŭ kala sutak.
U Fejsbuk nazvali pryčynu hłabalnaha zboju
Pavodle paviedamleńnia kampanii, ich inžyniery niaŭdała źmianili kanfihuracyju roŭteraŭ, jakija raźmiarkoŭvajuć trafik pamiž centrami apracoŭki danych Fejsbuka, što pryviało da razryvu suviazi, jaki «efiektam damino parušyŭ suviaź pamiž data-centrami».
Taksama ŭ kampanii zajavili ab adsutnaści dokazaŭ uciečki karystalnickich danych padčas zboju.
Hłabalny zboj, u vyniku jakoha nie pracavali Fejsbuk, Instahram i Vatsap, padoŭžyŭsia bolš za šeść hadzin. Taksama ab prablemach u pracy paviedamlali karystalniki Nietfliks, Zum, Cinder, Vajbier, Jutub i zvanki ŭ Telehramie.
Zasnavalnik Fejsbuka Mark Cukierbierh vybačyŭsia pierad karystalnikami za zboi ŭ pracy sacyjalnaj sietki i servisaŭ. Paviedamlałasia, što jon straciŭ 6 młrd dalaraŭ.
