Zakachanaja bieraściejka pieraviała 26 tysiač rubloŭ «vajennamu doktaru ź Jemiena»
Jak paviedamlaje bresckaja milicyja, u krasaviku biahučaha hoda 39-hadovaja žycharka Bresta ŭ fejsbuku paznajomiłasia z mužčynam, jaki nazvaŭsia vajennym doktaram ź Jemiena.
Paśla praciahłaj pierapiski jon pryznaŭsia ŭ svaich pačućciach da žančyny i pra hatoŭnaść pryjechać da jaje ŭ Biełaruś. Davierlivuju žančynu jon paprasiŭ apłacić vydatki na pierajezd, abiacajučy pry sustrečy viarnuć usie hrošy.
Ahułam paciarpiełaja ŭ niekalki etapaŭ pieraviała bolš za 26 tysiač rubloŭ.
Kali «vajenny doktar» nie pryjechaŭ u Brest na sustreču, paciarpiełaja niekatory čas dumała, što ŭ mužčyny paprostu niešta nie atrymałasia ci ź im što-niebudź zdaryłasia. Kali jana zrazumieła, što heta padman, źviarnułasia ŭ milicyju.
Pa dadzienym fakcie zaviedzienaja kryminalnaja sprava pa č. 3 art. 209 (machlarstva, ździejśnienaje ŭ bujnym pamiery) Kryminalnaha kodeksa Respubliki Biełaruś.
