Kupałaŭski apublikavaŭ raskład anłajn-pakazaŭ na kastryčnik
Svabodnyja «Kupałaŭcy» abviaścili pra pačatak siezona anłajn-prahladaŭ śpiektaklaŭ.
«Pavažanyja hledačy! Abjaŭlajem kastryčnik adkrytym dla anłajn-prahladaŭ! Usio toje, što vy lubicie, i mahčymyja siurpryzy napieradzie. Nie pieraklučajciesia i sačycie za navinami. Budziem razam padsiłkoŭvacca i ratavacca ad žorstkaj rečaisnaści.
Pačatak pakazaŭ, jak zvyčajna, a 19:00. Śpiektakli adkrytyja dla prahladu ciaham 24 hadzin. Akramia śpiektaklaŭ na našym jutub-kanale vy znojdziecie ŭžo cełuju čaradu prajektaŭ, dastupnych u luby čas dnia i nočy. Kupałaŭskija dźviery zaŭsiody adkrytyja! Ščyra zaprašajem!» — havorycca ŭ anonsie.
Hladzieć śpiektakli anłajn možna na jutub-kanale teatra.
***
U žniŭni 2020 hoda kupałaŭcy asudzili hvałt siłavikoŭ u dačynieńni da mirnych demanstrantaŭ, a paśla taho jak byŭ zvolnieny dyrektar teatra Pavieł Łatuška, zvolnilisia razam ź im. Tady Kupałaŭski teatr pakinuli try dziasiatki akcioraŭ, a taksama muzykanty, režysiory, administratary, kiraŭnik Mikałaj Pinihin — kala 60 čałaviek. Z taho času jany vystupajuć anłajn, dajučy videapastanoŭki.
